چارواکی وای، د پکتیا کې د افغان او بهرنیو ځواکونو ګډو پوځي عملیاتو په ترڅ کې ۹ مخالف وسله‎وال وژل شوی او شپږ تنو نور ټپیان دي. دافغان غږ(آوا) آژانس دخبرله مخی، د ۲۰۳ تندرقول اردو په خبرپاڼه کې راغلي دي، داعملیات د جاني‎خېلو ولسوالۍ په چلم او ریشپګیو سیموکې ترسره شوي چې وسله‎والو ته سخت ګوزاربلل کيږي. په خبرپاڼه کې راغلی دي، په دې عملیاتوکې بهرنیو ځواکونو د هوا له لارې د افغان ځواکونو ملاتړ کړی دی. خو وسله والو طالبانو تر اوسه په دې اړه څه نه دي ویلي.