اجراییه ریاست وايي چې د دې احتمال شته چې د جنرال دوستم د ساتونکو د څېړنو پایلې به تر راتلونې اوونۍ رسنیو ته ورسېږي.

د افغان غږ(آوا) آژآنس د خبرله مخی، د جرائيه ریاست د ویاند مرستیال جاوېد فیصل په دې اړه وویل:«تېره ورځ(چهارشبنې د کب په ۴ مه)پلټنې پیل شوې لویې څارنوالۍ په دې اړه کار پیل کړ.کله چې دغه پلټنې بشپړې شي،د هغوی پایلې به له تاسو سره شریکې شي.»
اخوا د ملي جنبش ګوند وايي د دوستم ۷ تنه ساتوونکي څارنوالۍ ته له ځواب ویلو وروسته بېرته،د دوستم کورته تللي دي.
له بلخوا د جنبش ګوند د ځوانانو رییس او جنرال دوستم ته یو نېږدې کس کنشکا ترکستاني وایي چې د ولسمشر د لومړي مرستیال ساتونکي په توقیف کې نه دي.
ترکستاني زیاته کړه:«اوس یوازې یوه ادعا ده.له دوی څخه یوازې یوه پلټنه شوې.تاسې پوهېږئ په قانون کې ترڅو چې یوه ادعا ثابته نه‎شي،هېڅوک نه تر نیونې لاندې وي او نه هم بندي کېږي.هغوی یوازې هغه استعلام ته چې له څخه ترسره شوی ځواب ورکړی دی.»
ښاغلی ترکستاني ټینګار کوي د جنرال دوستم د ساتونکو په وړاندې تورونه به هېڅکله سم ثابت نه‎شي.
د جنرال دوستم ۷ تنه ساتونکي چې له احمدایشچي سره په ناوړه چلند تورن دي، له هغې وروسته لویې څارنوالۍ ته د پلټنو لپاره حاضر شول چې امنیتي ځواکونو د څو ساعتونو لپاره د کابل په شیرپور سیمه کې د ښاغلي دوستم او د هغه د ساتونکو استوګن‎ځای کلابند کړ.
د جنرال دوستم ۲ نور ساتونکي له دې مخکې د پلټنو لپاره لویې څارنوالۍ ته حاضر شوي و.