د هرات سیمه ییز چارواکي وايي، پرون شپه د سلما بند په ساتندویه ځواکونو وسله والو طالبانو حمله کړې او لس افغان پوځیان یې وژلي دي.
د هرات د چشت شریف ولسوال فرهاد خادمي ازادي راډیو ته نن په ټلیفون د افغان پوځیانو وژل کېدل تائید کړل او ویې ویل چې یو پوځي ژوبل دی او په ځوابي ډزو کې څلور طالبان هم وژل شوي دي.
په چشت شریف ولسوالۍ کې د سلما بند د ساتندویه ځواکونو او وسله والو طالبانو نښتې شاوخوا دوه ساعته دوام کړی و.
د هرات د امنیه قومانداني ویاند عبدالاحد ولیزاده ازادي راډیو ته وویل چې یو شمېر نور ځواکونه د پېښې سیمې ته لیږل شوي دي.
دریافت صفحه با کد QR