خوښ ديک ۰

پر کندز ښوونځې د هوایي برید په اړه د طالباانو ادعاوې او ناټو غوڅ ملاتړ غبرګون

په داسې حال کې چې په شمال کندز ولایت کې پر یوه ښوونځي د بهرنیو ځواکونو له خوا د هوایي برید په اړه ضد او نقیض راپورونه ورکړل شوي، په افغانستان کې د ناټو غوڅ ملاتړ موماوریت د طالبانو هغه ادعاوې رد کړل، چې ګوا کې په دغه هوایي برید کې د ښوونځي وداني په بشپړه توګه له منځه تللې ده او په ترڅ کې یې ګن شمېر کسان وژل شوي او یا هم ټپیان دي.
پر کندز ښوونځې د هوایي برید په اړه د طالباانو ادعاوې او ناټو غوڅ ملاتړ غبرګون

د ناټو غوڅ ملاتړ ماموریت ویاند وېیلیام سالوېن وایي، د طالبانو دغه تورونه بی بنسټه دي چې پکې ویل شوي چې د امریکایي ځواکونو له خوا د کندز پر یوه ښوونخي هوایي بریدونه ترسره شوي دي.

نوموړې زیاته کړه، که څه هم امریکایي ځواکونه تیره شپه په کندز ولایت کې هوایي بریدونه ترسره کړل، خو د افغان چارواکو په وینا د ښوونځي وداني په اشپزخانه کې د اور د لګېدو له امله په نسبي ډول زیانمن شوي.

د ښاغلي سالوېن په وینا، د هوایي بریدونو په ترڅ کې چې تیره شپه ترسره شوه، د وسله والو طالبانو مستحکم ځایونه او ماینونه له منځه وړل شوي.

له دې وړاندې ځینې سیمه ییز چارواکی ویلي وو، چې د هوایي برید په ترڅ کې د کندز ښار په ختیځ کې د خواجه مشهد ښوونځي وداني او یو شمېر کورونه سخت زیانمن شوي دي.

سرچينه : د صدای افغان خبری آژانس(آوا)
یکشنبه ۲۵ سرطان ۱۳۹۶ ساعت ۰۸:۲۷
د مطلب کود: 146405 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *