داعش وسله والو یوه مهم غړي د امریکایي ځواکونو په هوایي برید کې وژل شوي.
د داعشیانو دغه مهم غړي چې قاري زاهد نومېده تیره ورځ په ختیځ ننګرهار ولایت کې وژل شوی.
د ننګرهار امنیه قومانداني په یوه بیان کې لیکليو چې د ننګرهارولایت اچین ولسوالی په مربوطاتو کې دوه داعش وسله ووژل شوي.
خبرپاڼه زیاتوي، چې تیره ورځ د اچین ولسوالی اړوند په باغ درې په سیمه کې د بهرنیو ځواکونو بې پیلوټه الوتکې هوایي برید ترسره کړې چې په ترڅ کې د قاري زاهد په ګډون دوه تنه داعش وسله وال وژل شوي .
ننګرهار د افغانستان په ختیځ کې له پاکستان سره ګډه پوله لري چې د هېواد له ناامنه او د طالبانو او داعش د جنګیالیو د فعالیت سیمه ګڼل کېږي.
دا په داسې حال کې ده چې سیمه ییز حکومتي چارواکي تیره ورځ وویل، چې څلور کسان د دوه پاکستانیانو په ګډون د دولت ضد وسله والو ډلو ته د وسلو د لیږد په تور نیول شوي دي.
د چارواکو په وینا، د ننګرهار ولایت مومندرې ولسوالۍ مربوطاتو کې پوليسو په يو سوزکي موټر کې له څلورو تنو سره د راکټ انداز اته فيره مرمۍ، چې په ډېر مهارت سره ځای پر ځای شوې ونيول شوې.
چارواکي زیاتوي، چې د معلوماتو له مخې نيول شويو کسانو کې دوه د خيبر پښتونخوا او دوه د مومندرې ولسوالۍ اوسيدونکي دي او نيول شويو کسانو اعتراف کړی، چې دغه مرمۍ يې د تخريبي کړنو په موخه وسله والو مخالفينو ته ليږدولې.
