کد QR مطلبدریافت صفحه با کد QR

د لسبوس په ټاپو کې یو افغان لس کلن ماشوم ډوب شوی

د صدای افغان خبری آژانس(آوا) , 5 قوس 1396 ساعت 13:21


د رپوټونو پربنسټ دغه ماشوم په یوه کوچنۍ کیښتۍ کې له ۶۶ کډوالو سره سپور و، او وروسته له هغه یې خپل ژوند له لاسه ورکړ چې غوښتل يې له کیښټۍ تیښته وکړي.

دغه کوچنۍ کیښټۍ د ترکیې له څنډو د لسبوس ټاپو په لور روانه او غوښتل يې چې کډوال یونان ته ولیږدوي،خو کله چې د اروپا له سمندري ګزمې سره مخ کیږي نو د دی ویرې له امله چې بیرته یې ترکیې ته ستانه نکړي، نو کیښتۍ د بیړې له امله خپل انډول له لاسه ورکوي او د کډوالو تیښتې په وخت کې دغه ماشوم تر ښپو لاندې کیږي.

دغه ماشوم سره خپل مور،پلار او دوه کوچینو خویندو ملتیا کوله، خو کله چې مور یې ویني چې زوی ساه نه اخلي د خپل زوی له مرګ وروسته مور یې هم هڅه کوي چې ځان په اوبو کې ډوبه کړي خو د یونان ساحلي ګارد لخوا ژغورل شوې.

دغه پيښې په داسي حال کې رامنځته کیږي چې ترکیې او یونان د غیر قانوني کډوالو مخنیوې لپاره کلک امنیتي تدابیر نیولي خو بیا د ورځې سلګونه کډوال هڅه کوي څو اروپایي هیوادونو ته د رسیدو لپاره د “اژه“ سمندر له لارې ځانونه یونان ته ورسیږي.


د مطلب کود: 153808

دمطلب پته :
https://www.avapress.com/ps/news/153808/د-لسبوس-په-ټاپو-کې-یو-افغان-لس-کلن-ماشوم-ډوب-شوی

آوا
  https://www.avapress.com