خوښ ديک ۰

که امریکا خپله پرېکړه وانخلي، نړیوال ثبات به له ګواښ سره مخ شي- مشرانو جرګه

که امریکا خپله پرېکړه وانخلي، نړیوال ثبات به له ګواښ سره مخ شي- مشرانو جرګه

که امریکا د بیت المقدس د رسمیت پېژندلو په اړه له سره کتنه ونکړې، نړیوال ثبات به له ګواښ سره مخ شي او پړه به یې د امریکا په غاړه وي.

مشرانو جرګې د بیت المقدس په اړه د امریکا د وروستۍ پرېکړې پر وړاندې سخت غبرګون وښود او له امریکا څخه یې وغوښتل، چې په دي برخه کې له سره کتنه وکړې.

د مشرانو د جرګې لومړی مرستیال محمد علم ایزیار ټینګارکوي او وایي، امریکا له اسرائیلو څخه د ملاتړ لپاره باید د مسلمانانو غصه راونپاروي.

نوموړی زیاتوي، که امریکا پخپلې پرېکړې له سره کتنه ونکړې؛ نړیوال ثبات به له ګواښ سره مخ کړي.

د مشرانو جرګې غړي وایي؛ د امریکا پر وړاندې د اسلامي نړې فشارونه کولی شي، چې دغه هېواد اړ کړي، چې له اسلامې نړې څخه بښنه وغواړې او له خپلې پرېکړې وګرځې.

د مشرانو جرګې غړې لیلما احمدي ویلي؛ ترمپ د مسلمانانو ولولې راپارولي او باید اړ شي، چې د اسلامي هېوادونو په غوښتنه بښنه وغواړي. پرته له دې دا کړنه یې اسلامي هېوادونو ته د منلو نه ده.

د مشرانو جرګې غړی حسیب الله کلیمزی وایي، د امریکا له دې پرېکړې سره به یو اسلامي هېواد هم د امریکا ملاتړ ونکړي؛ ځکه، چې بیت المقدس مسلمانانو ته پاک او مقدس ځای دی او له نیواکه باید وژغورل شي.

د نوموړي په اند، امریکا باید د خپلې پرېکړې بدلولو ته اړه شي.

مشرانو جرګې د اعلامیې له خپرولو سره ټینګارکوي؛ هغه پرېکړه، چې پر بنسټ یې امریکا د اسرائیلو د مرکز په توګه بیت المقدس په رسمیت پېژندلی بېړنۍ پرېکړه ده او د دغه اقدام مخه باید ونیول شي. اسلامي نړۍ باید د امریکا د دغې پرېکړې پر وړاندې روښانه دریځ غوره کړې او پرینږدې، چې بیت المقدس اشغال شي.

سرچينه : د صدای افغان خبری آژانس(آوا)
یکشنبه ۱۹ قوس ۱۳۹۶ ساعت ۱۶:۲۴
د مطلب کود: 154570 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *