د افغانستان ولسمشر دوسم مرستیال محمد سرور دانش وایي د برېښنایي تذکرو وېش به په راتلونکی اونی کې پیل شي.
نوموړی نن د حکومت د رنسیو په مرکز کې د رسنیو په هکله په جوړه شوې غونډه کې د وینا پر مهال وویل چې د برېښنایي تذکرو د وېش بهیر به په راتولونکی اونی کې پیل شي.
ښاغلي دانش دا هم وویل چې د ټاکنو په کمیسیون کې موجود ستونزې به هم ډیر ژر حل شي خو نوموړی په دې اړه نور جزئیات ور نه کړل.
د هېواد د ولسمشر دویم مرستیال د برېښنایي تذکرو د وېش بهیر د پیل په اړه په داسې حال کې خبر ورکوي چې د ملي شورا ګډ کمېسیون تېره اونی د وګړو د ثبت او احوالو د قانون په هکله د ولسمشر غني تقنیني فرمان تائید کړلږ
د دغه ګډ کمېسیون غړیو د وګړو د ثبت او احوالو د قانون په ۶ مه ماده کې د اسلام او افغان کلمو راوړل تأیيد کړل او د ولسي جرګې او ارګ ترمنځ درې کلنه لانجه پای ته ورسوله.
بلخوا افغانستان د برېښنايي تذکرو د وېش ادارې تېره میاشت اعلان وکړ چې د برېښنايي تذکرو د وېش بهیر د پیلولو لپاره بشپړ چمتووالی لري.
