خوښ ديک ۰

مودي: د ترهګرو پټنځایونه د افغانستان او هند په ګاونډ کې دي

مودي: د ترهګرو پټنځایونه د افغانستان او هند په ګاونډ کې دي

د هند لوموړی وزیر نرندرا مودي وایي د ترهګرو پټنځایونه او روزنیز مرکز د افغانستان او هند په ګاوڼد کې دي.

ارګ ماڼی وایي، ښاغلي مودي نن غرمه له جمهوررئیس غني سره د ټیلیفوني تماس له لارې پلازمېنه کابل او د هېواد په نورو ښارونو کې په وروستیو تروریستي بریدونو کې د یو شمېر هېوادوالو پر شهادت او ټپي کېدو د هند د خلکو او حکومت په استازیتوب د افغانستان خلکو او حکومت سره خواشیني څرګنده کړه او دغه ترهګریز بریدونه یې  په سختو ټکو وغندل.

خبرپاڼه زیاتوي، چې د هند لومړي وزیر په دغه ټلیفوني تماس کې جمهور رئیس غني ته وویل، زموږ او ستاسو په ګاونډ کې د تروریستانو پټنځایونه او روزنیز مرکزونه دي چې د دغه وړ بریدونو لپاره تمویل او تجهیز کېږي. هغه ټينګار وکړ چې د ترهګرو او د هغوی د پټنځایونو د له منځه وړلو لپاره باید هند او افغانستان خبرې وکړي او په دې برخه کې لا جدي مبارزې ته ادامه ورکړي.

ښاغلي مودي زیاته کړه، هېواد یې د ټپیانو د درملنې په برخه کې هر ډول مرستې او همکارۍ ته چمتو دی او هند تل د ښه ملګري په توګه د افغانستان د خلکو او حکومت تر څنګ ولاړ دی.

د ارګ ماڼی په وینا، ولسمشر غني د افغانستان حکومت او خلکو په استازیتوب د هند د خلکو او حکومت د همدردۍ او غمشریکۍ مننه وکړه او هند یې د افغانستان صادق او رښتینی دوست وباله.

هغه زیاته کړه، رښتینی ملګری همداسې وي چې په سختۍ کې خپله خواخوږي څرګنده او ستاسو په څېر د هر ډول همکاری چمتووالی وښیي.

خبرپاڼه زیاتوي، چې ولسمشر غني د افغانستان او سیمې د جغرافیې په اړه د هند د لومړي وزیر نریندرا مودي د لیدلوري او فکر قدرداني وکړه او په ټینګار سره یې وویل، د دې وخت را رسېدلی دی چې د تروریزم د ملاتړو هېوادونو د لا منزوي کېدو په برخه کې باید هڅې نورې هم چټکې شي.

ولسمشر غني همدارنګه په کابل ښار کې د سلواغې د اوومې نېټې فاجعه د بمبۍ او نیویارک ښار د سپتمبر د یولسمې نېټې تروریستي بریدونو سره ورته وبلله او یو ځل بیا یې د هند د لومړي وزیر له خواخوږۍ او له افغانستان سره د یاد هېواد د سخاوتمندانه مرستومننه وکړه.

سرچينه : د صدای افغان خبری آژانس(آوا)
چهارشنبه ۱۱ دلو ۱۳۹۶ ساعت ۱۴:۳۵
د مطلب کود: 157375 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *