د جوزجان چارواکي وایي، د درزاب ولسوالۍ په مغل کلي کې د یوې فرانسوې ښځې په شمول نهه داعشیان نیول شوي او څلور نور وژل شوي دي.
د جوزجان والي ویاند محمد رضا غفوری وايي، په دغو عملیاتو کې امنیتي ځواکونو او د سیمې خلکو ته زیان نه دی اوښتی.
هغه زیاتوي؛ د دې ډلې یو کلیدي غړی په درزاب کې د سولې له بهیر سره هم یوځای شوی دی.
د جوزجان په درزاب ولسوالې کې له ډېرې مودې را په دیخوا داعش فعالیت پيل کړی او اوسیدونکي یې له حکومت غواړي، چې د دغې ډلې پروړاندې پوځي عملیات ترسره کړي.