د زابل ولایت چارواکي وایی، په دغه ولایت کې له وسله والو طالبانو سره په نښته کې د دوو افغان امنیتی سرتېرو وژل شوی دی.

د افغان غږ(افغان غږخبري آژانس) آژانس د خبر له مخی، د زابل ولایت د ارغنداب ولسوال، امیرجان الکوزي په دی اړه زیاتوی، چې د افغان امنیتی ځواکونو او طالب وسله‎والو ترمنځ نښته کې دوه افغان سرتېرو ژوند له لاسه ورکړی دی.
امیرجان الکوزی نن ورځ ویلی، په دغه پيښه کی ۸ تنه نورټپيان شوی دي.
دوی سرګندوی، چې طالب وسله‎والو ته هم مرګ ژوبله اوښتې ده.
خو تراوسه وسله والو طالبانو په دی اړه تبصره نه دی کړی.