کد QR مطلبدریافت صفحه با کد QR

الیس ویلز د پاکستان سره په افغانستان او ترهګرۍ گړیږي

د صدای افغان خبری آژانس(آوا) , 9 حمل 1397 ساعت 17:38

د امریکا د بهرنیو چارو وزارت لوړپوړي چارواکې الیس ویلز د چهارشنبې په ورځ په یو رسمي سفر اسلام آباد ته رسیدلې ده.


د امریکا د بهرنیو چارو وزارت په یوه اعلامیه کې ویلي دي چې د جنوبي او مرکزي اسیا په چارو کې د امریکا د بهرنیو چارو وزارت مرستیاله الیس ویلز به د پاکستاني چارواکو سره د امریکا "د جنوبي اسیا په ستراتیژۍ او د ترهگرو ډلو په نابودولو کې د پاکستان په ژمنو او د دواړو هیوادونو ترمنځ په اقتصادي او سوداگریزو اړیکو خبرې وکړي".
میرمن ویلز پاکستان ته د رسیدو سره سم د هغه هیواد د بهرنیو چارو وزارت له سکرترې تهمینه جنجوعه سره د امریکا او پاکستان پر اړیکو، د افغانستان د سولې د پروسې، سیمه یزو او نړیوالو موضوعاتو باندې خبرې وکړې.
ټاکل شوې چې میرمن ویلز به د پاکستان د حکومت د نورو لوړپوړو چارواکو سره هم وگوري او د بهرنیو چارو وزارت په وینا میرمن ویلز به د کراچۍ ښار ته هم لاړه شي.
د امریکا د بهرنیو چارو وزارت ویلي چې میرمن ویلز به په کراچۍ کې د لوړپوړو حکومتي چارواکو او سوداگرو سره وگوري او د "غښتلو اقتصادي او خلکو ترمنځ د اړیکو د رامنځ ته کیدو په روانو هڅو به خبرې وکړي".
میرمن ویلز چې په اسلام آباد کې یې د امریکا په سفارت کې د سیاسي چارواکې په توگه هم دنده ترسره کړې د جنورۍ په میاشت هم پاکستان ته تللې وه چې د امریکا د ملي امنیت د شورا لوړپوړي غړي هم ورسره وو.
د جنورۍ په میاشت کې پاکستان د سفر په ترڅ کې میرمن ویلز په افغانستان کې د امریکا د ستراتیژۍ د بریالیتوب لپاره د پاکستان په اهمیت ټینگار کړی و.
د پاکستان د بهرنیو چارو وزیر خواجه اصف د سه شنبې په ورځ (د مارچ ٢٧) په تاشکند کې د افغانستان په اړه د سولې په کنفرانس کې وویل چې پر طالبانو باندې ډله ییز فشار ته اړتیا ده چې تاوتریخوالي ته شا کړي او د سولې پروسې سره یوځای شي.
د پاکستان د بهرنیو چارو وزیر ادعا وکړه چې هیواد یې تل د افغانستان د کړکیچ د سیاسي حل غوښتونکی و او دی. هغه همداشان وویل چې د سولې میز ته د طالبانو راستل او په افغانستان کې د سولې او ثبات تامین د نړیوالې ټولنې گډ مسؤلیت دی.
طالبانو تر اوسه په رسمي توگه د ولسمشر غني د سولې د قید او شرط پرته مذاکراتو وړاندیز ته رسمي ځواب ندی ویلی.
 


د مطلب کود: 160881

دمطلب پته :
https://www.avapress.com/ps/news/160881/الیس-ویلز-د-پاکستان-سره-په-افغانستان-او-ترهګرۍ-گړیږي

آوا
  https://www.avapress.com