د کابل ښاري موټرو مخکې سیټ کې د دوو تنو پر ناستي بندیز

دا ریاست وايي، ګزمې یې سختې کړي او هر چېرته چې سرغړوونکي ونیول شي قانوني چلند به ورسره کېږي.
د ټرافیکو ریاست د چارواکو په وینا، تر دې دمه یې ګڼ موټرچلوونکي تر درې سوه افغانیو جریمه کړي او لا دا کمپاین دوام وکړي.
په همدې حال کې د کابل ښار اوسېدونکي هم له دې بهیره خوښ دي.
د کابل اوسېدونکی، عبدالقهار میرزايي له دې کاره خوښي څرګندوي او زیاتوي:«دا کار چې ښاروالي او ترافیکو په لاره اچولی دی، ډېر ښه دی، ډېر خلک ترې په تنګ وو او په ځانګړې توګه میرمنو ته، هیله ده چې همداسې تعقیب کړي.»
بل اوسېدونکی، حاجي صابر زیاتوي:«دا ډېء ښهګام دی چې پورته شوی، زه ډېر خوشاله یم، دې کار سره ټرافیکو پېښو کې مرګ ژوبله کمیږي، دا چې دوه کسه د موټر مخکې سیټ کې کېنی، غیر قانوني ده.