د غني او عباسي د هوکړې پر اساس د افغانستان او پاکستان ترمنځ نوې موافقه

سرچینه زیاتوي، چې دغه ناسته پرون په اسلام آباد کې د پاکستان په بهرنیو چارو وزارت کې ترسره شوه چې په ترڅ کې د دواړو پلاوو مشري د افغانستان اسلامي جمهوریت د بهرنیو چارو وزارت سیاسي معین حکمت خلیل کرزي او د پاکستان د بهرنیو چارو وزارت معینې تهمینه جنجوعه په غاړه درلوده.
د بهرنیو چارو وزارت په وینا، د هغو اوو اصولو په تعقیب چې د ۱۳۹۷ لمریز کال د اوري په ۱۷مه نېټه کابل ته د پاکستان اسلامي جمهوریت صدراعظم شاهد خاقان عباسي د سفر په دوران کې د افغانستان اسلامي جمهوریت جمهور رئیس محمد اشرف غني سره په لیدنې کې پرې هوکړه شوې وه، د سولې او پیوستون لپاره د افغانستان او پاکستان د عمل پلان دواړو پلاوو په نننۍ ناسته کې نهائی شوه.
په یوه خبرپاڼه کې راغلي دي، چې همداراز، د شپږو هغو کاري ګروپونو کارونه چې په دغه عمل پلان کې يي وړاندوینه شوې، پیل کيږي.
خبرپاڼه زیاتويو چې د افغانستان او پاکستان د عمل دغه پلان د دوه اړخیزې باور جوړونې چوکاټ پراخوي او په ټولو برخو کې دوه اړخیزو اړیکو پراخولو ته لار هواروي. د عمل دغه پلان د دوه اړخیزو اندیښنو لپاره د حل لارې پیدا کولو یو میکانیزم دی.
د خبرپاڼې پر اساس، دواړه لورې موافقې دي چې د سولې او پیوستون لپاره د افغانستان او پاکستان د عمل پلان بشپړ او اغیزمن تطبیق د دواړو هېوادونو له ولسونو سره د ترهګرۍ له منځه وړلو، د سولې، ثبات، سوکالۍ او پرمختګ ته په رسیدلو کې مرسته کوي.