خوښ ديک ۰

روسیی او فرانسې ترمنځ اقتصادی اړیکو پراخیدنه

د روسیی ولسمشر ولادیمیر پوتین د پنجشنبی په ورځ کلنۍ اقتصادی غونډه کې وویل چی روسیی او فرانسی ترمنځ اقتصادی اړیکې مخ په پراخیدو دی.
روسیی او فرانسې ترمنځ اقتصادی اړیکو پراخیدنه

پر دې سربېره چې اروپايي ټولنې په اوکراين کې د لاسوهنې، د سوريې او نورو مسايلو په خاطر پر روسيه اقتصادي بنديزونه لګولي، پوتین وويل چې له فرانسې سره د روسيې سوداګري تېر کال پنځه ويشت فيصده ودې زیاته شوه او په همدې توګه یې سږ کال هم دوام کړی دی.
د پوتین او مکرون په کتنه کې پر پراخو موضوعاتو تمرکز شوی وو لکه د سوريې او اوکراین کړکېچونه او د ايران د اټمي موافقې ژغورل.
روسیې له فرانسوي شرکت ټوټال سره د ګازو يوه نوې او مهمه موافقه لاسليک کړه.
دا موافقه په داسې حال کې وشوه چې د فرانسې د انرژۍ دغه لوی شرکت اعلان کړی چې له ايرانه به ووځي خو که امریکا ورته له بنديزونو معافيت ورکړي، په ايران کې به خپل فعالیت ته دوام ورکړي.
د واشنګټن له خوا اعلان شوي بنديزونه به روان کال پر تهران له سره عملي شي.
ټوټال د روسیې د ګازو له شرکت نوواک سره موافقه وکړه او دوی به د سايبريا په شمال کې په ګډو په ګيډان ټاپووزمه کې د طبيعي ګازو تاسيسات جوړوي.
دا پروژه د ۲۵ میليارډه ډالرو په لګښت پيلېږي او له طريقه به يې د روسیې شمال ته به د ګازو اسانتیا وغځېږي.
د فرانسې ولسمشر امانويل مکرون له ویلاديمير پوتين سره په ګډه خبري غونډه کې وويل چې فرانسه له روسیې سره اقتصادي اړيکې پراخول غواړي او همداراز له ايران سره د اټمي موافقې ژغورل غواړي.
 
شنبی ۵ جوزا ۱۳۹۷ ساعت ۰۹:۲۳
د مطلب کود: 164233 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *