دخپریدو نیټه :يکشنبه ۶ جوزا ۱۳۹۷ ساعت ۱۱:۱۰
د مطلب کود : 164297
رپوټ: افغانستان کې له دوو میلیونو زیات خلک د خوړو خوندیتوب نه لري
د ملګرو ملتونو سازمان اعلان کړی چې افغانستان کې له دوه ميليونو نه زيات خلک د خوړو خوندیتوب له نشتوالي سره مخ دي
د ملګرو ملتونو سازمان د یوه رپوټ په ترڅ کې ویلي چې افغانستان کې له دوه میلیون زیات وګړي د خوړو خوندیتوب نشتون سره مخ دي.
د افغانستان لپاره د ملګرو ملتونو سازمان د بشري مرستو د همغږۍ ادارې د یوه نوي رپوټ په ترڅ کې ویلي چې له دوه میلیونو زیات وګړي دغه هیواد کې د وچکالۍ تر اغیز راغلي او بشري مرستو ته اړتیا لري.
دغه بنسټ افغانستان کې د وچکالۍ د جدي ګواښونو په تړاو اندیښنه څرګنده کړې او ویلي یې دي چې له شلو زیات ولایتونه په ځانګړې توګه د دغه هیواد شمال او لویدیځ وچکالي ګواښي.
افغانستان یو له هغو هیوادونو نه دی چې د نړیوالو بنسټونو د څيرنو پر بنسټ، څلور پنځوس سلنه وګړي یې د لوږې له کرښې لاندې ژوند کوي.
سرچينه : د صدای افغان خبری آژانس(آوا)
https://avapress.com/vdceoe8zfjh8pwi.r6bj.html
تبصره پوسټ کړئ
ستاسو نوم
ستاسو دبرېښنا ليک پته