خوښ ديک ۰

اسرائیلي اشغالګرو پر غزې هوايي بریدونه پيل کړي

د اسرائیلو جنګي الوتکو نن ماسپښين پر غزې یوشمېر هوايي بریدونه ترسره کړي چې د مرګ ژوبلې راپور يې نه دی ورکړل شوی.
اسرائیلي اشغالګرو پر غزې هوايي بریدونه پيل کړي

د فلسطین خبري اژانس وايي، الوتکو د سرایا القدس اړوند د فجر، عرفات او براق مرکزونه ويشتلي چې ورانی يې رامنځ ته کړی دی.
جنګي او بې پيلوټه الوتکې پر غزې ګرځي او د اسلامي جهاد او حماس مرکزونه په نښه کوي.
الوتکو د القسام اړوند د بدر مرکز په څو توغندیو ويشتلی او د غزې ښار په جنوب کې يې یو بل هدف په نښه کړی دی.
نن سهار هم اسرائيلي اشغالګرو پر غزې د هو او ځمکې له لارې ګڼ بریدونه ترسره کړل.
دا بريدونه وروسته تر هغه پیل شول چې نن سهار فلسطيني مقاومت لسګونه توغندي غزې ته نژدې پر يهودي مېشت ځایونو وويشتل چې سیمه کې يې سخته وېره خپره کړه.
د اسرائیلو لومړي او دفاع وزیرانو دې توغنديزو بریدونو ته د کلک ځواب ورکولو ګواښ کړی دی.
د فلسطین جهادي مقاومت وايي، توغنديز بریدونه یې د اسرائیلو د وروستیو تېریو په ځواب کې ترسره کړي دي.
اشغالګرو په تېرو دوو ورځو کې د حماس او اسلامي جهاد ۴ تنه غړي شهیدان کړل چې دې دواړو ډلو يې د غچ اخيستلو ګواښ وکړ او نن سهار يې اسرائیل په نښه کړل.

 
چهارشنبه ۹ جوزا ۱۳۹۷ ساعت ۱۹:۲۹
د مطلب کود: 164540 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *