د ننګرهار ولایت د هسکې مینې ولسوالی په مربوطاتو کې د داعشیانو پر یوه مرکز د هوایي برید په ترڅ کې لږ تر لږه ۹ تنه وسله وال وژل شوي.
دخپریدو نیټه :يکشنبه ۱۳ جوزا ۱۳۹۷ ساعت ۱۶:۲۷
د مطلب کود : 164729
د ننګرهار ولایت مقام په یوه بیان کې لیکلي، چې ننګرهار ولايت هسکې مېنې ولسوالۍ ګورګورۍ سیمه کې تېره شپه د داعش وسله والو پر مرکز هوايي بريد شوی، چې په ترڅ کې يې نهه داعش وسله وال وژل شوي او د دوی مرکز لمنځه وړل شوی.
خبرپاڼه زیاتوي، چې د معلوماتو له مخې په ياد مرکز کې د داعش وسله والو يو شمېر سپکې او درنې وسلې هم لمنځه وړل شوي.
په هسکې مینې ولسوالی کې د داعش پر مرکز هوایي برید په داسې حال کې ترسره کېږي چې د یاد ډلې او نورو وسله والو په وړاندې د ننګرهار ولایت په لرو پرتو سیمو کې پوځی عملیات دوام لري.
د ننګرهار ولایت مقام پرون وویل چې د هسکې مینې ولسوالی په مربوطاتو کې د هوایي او ځمکنیو بریدونو په ترڅ کې د داعش ۱۷ غړي وژل شوي.
د دولت ضد وسله والې ډلې تر اوسه په دې اړه څه نه دي ویلي.
avapress.com/vdcewe8zojh8pfi.r6bj.html
ټګونه
ډیری لیدل شوي
مربوطه لیکنې
[۱۱ جوزا ۱۳۹۷] 
[۱۲ جوزا ۱۳۹۷] 
[۱۲ سرطان ۱۳۹۶] 
[۲۲ حمل ۱۳۹۷] 
[۱۵ حوت ۱۳۹۶] 
