کد QR مطلبدریافت صفحه با کد QR

د اوبو او انرژی وزیر چی اشرف غنی له لوری د دندي څخه ګوښه کړل شوی وو، د عبدلله عبدالله له لوری بیرته ګمارل شوي

20 جوزا 1397 ساعت 16:15

څو ساعته وروسته له هغه چې ارګ له دندې نه د اوبو او انرژۍ د وزیر، علي احمد عثماني، د ګوښه کولو فرمان خپور کړ د افغانستان د ملي یووالي د حکومت اجرايي مشر وویل چې ښاغلی عثماني به خپلې دندې ته دوام ورکړي.‌



لمړی ارګ د شنبې په ورځ د ولسمشر محمد اشرف غني فرمان خپور کړ چې پکښې ویل شوي چې د اساسي قانون د ۶۴ مادې پر بنسټ، د اوبو او انرژۍ وزیر له دندې ګوښه شوی او د وزارت مرستیال به د سرپرست په توګه کار وکړي.
ورپسې، اجرائیه مشر، عبدالله عبدالله، پر خپل رسمي فیسبوک ولیکل چې ښاغلی عثماني به د وزیر په توګه خپل کار ته دوام ورکړي.‌
ښاغلي عبدالله د اوبو او انرژۍ وزیر په چارو کې خورا بریالی بللی او لیکلي دي چې هیواد ته د ولسمشر غني تر راتګ وروسته به د هغه د سرنوشت په د ملي یووالي د حکومت له روحیې سره سم پریکړه وشي.‌
ولسمشر غني اوسمهال په چین کې په رسمي سفر بوخت دی او ښاغلی عبدالله هم بریتانیا ته په رسمي سفر تللی.‌


د مطلب کود: 165154

دمطلب پته :
https://www.avapress.com/ps/news/165154/د-اوبو-او-انرژی-وزیر-چی-اشرف-غنی-له-لوری-دندي-څخه-ګوښه-کړل-شوی-وو-عبدلله-عبدالله-بیرته-ګمارل-شوي

آوا
  https://www.avapress.com