خوښ ديک ۰

بادغیسۍ:‌ د کلیو اوسیدونکي د سرطان تر ۱۵مې نوم‌لیکنه کولای شي

د افغانستان د انتخاباتو خپلواک کمېسیون وایي، په ښارونو کې د رأی ورکوونکو د نوم‎لیکنې بهیر پای ته ورسېد او د کلیو اوسیدونکي د سرطان تر پنځلسمې پورې کولی شي د انتخاباتو لپاره نومونه ولیکي.
بادغیسۍ:‌ د کلیو اوسیدونکي د سرطان تر ۱۵مې نوم‌لیکنه کولای شي
 د انتخاباتو د خپلواک کمېسیون مرستیالې وسیمه بادغیسۍ تېر ماښام ازادي راډیو ته وویل چې په ولسوالیو کې به هم د رأی ورکوونکو د نوم‎لېکلنې بهیر ژر پای ته ورسېږي او وروسته به په کلیو کې دوام وکړي.
نوموړې وايي:
"درېیمه مرحله چې د افغانستان کلي په‎کې شامل دي د غبرګولي له نولسمې نېټې پیلیږي او د سرطان یا چنګاښ تر پنځلسمې دوام کوي. درېیمه مرحله چې د کلیو ده لس نورې ورځي غځول شوې ده."
د مېرمن بادغیسۍ په خبره تراوسه نېژدې شپږ میلیونه کسانو په راتلونکو انتخاباتو کې د رأی ورکولو لپاره نومونه لیکلي دي.
تمه ده د ولسي جرګې او ولسوالیو شوراګانو انتخاباتو د روان کال د میزان یا تلې پر ۲۸مه نېټه په افغانستان کې ترسره شي. 
سرچينه : د صدای افغان خبری آژانس(آوا)
سی شنبه ۲۲ جوزا ۱۳۹۷ ساعت ۱۱:۱۵
د مطلب کود: 165254 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *