خوښ ديک ۰

افغانستان سولی عالې شورا: د طالب مشر پیغامه شکاری چی دا ډله اوس هم بهر څخه رهبری کیږی

د افغانستان د سولې عالي شورا مرستیال مولوي عبدالخبیر اوچقون وايي، د افغان حکومت پر ځای له امریکا سره پر مستقیمو خبرو ټینګار د دې څرګندوی ده چې طالبان لا هم د بهرنیو له‎خوا رهبري کېږي.
افغانستان سولی عالې شورا: د طالب مشر پیغامه شکاری چی دا ډله اوس هم بهر څخه رهبری کیږی

ښاغلي اوچقون د سې شنبې په ورځ «۱۳۹۷ کال د غبرګولي ۲۲» دا څرګندونې وروسته ددی وکړې چې د وسله‎والو طالبانو مشر ملا هبت‎الله اخندزاده د کوچني اختر په مناسبت پیغام کې یو ځل بیا ټینګار وکړ.
ښاغلي اوچقون زیاته کړه:
"که امریکایي چارواکي واقعاً د افغانستان د قضیې په سوله‎ییز حل باور لري، باید مستقیماً د مذاکراتو مېز ته راشي، څو د اشغال دغه غمیزه چې لوی زیان‌یې د افغانستان او امریکا ولسونو ته رسېږي، د خبرو له لارې حل شي."

د سولې عالي شورا مرستیال ښاغلي اوچقون د طالب مشر د دې ټینګار په اړه چې امریکا دې له دوی سره مستقیمې خبرې وکړي وايي:
"دا د دې څرګندوی ده چې دوی اوس هم د بهرنیو له‎خوا رهبري کېږي او دوی په مستقیمه توګه خپله پرېکړه نه‎شي کولای. په تېرو ۱۷ کلونو کې څرګنده شوې ده، کله هم دوی سولې ته مایل شوي دي، د هغه هېواد له‎خوا چې ملاتړ یې کوي د سولې هڅې سبوتاژ شوې دي."
لوړپوړو امریکايي چارواکو هم وخت پر وخت د افغانستان د جګړې د هواري لپاره د طالبانو او امریکا ترمنځ د مستقیمو خبرو ترسره کېدل رد کړي او ټینګار یې کړی دی چې دوی د افغانانو په مشرۍ او مالکیت د افغانانو د خپلمنځي خبرو ملاتړ کوي.
چهارشنبه ۲۳ جوزا ۱۳۹۷ ساعت ۱۱:۵۳
د مطلب کود: 165332 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *