دخپریدو نیټه :چهارشنبه ۲۳ جوزا ۱۳۹۷ ساعت ۱۲:۰۶
د مطلب کود : 165334
فیل سیمنز: هند سره به په کرکټ لوبه کې هیجان، وارخطایی او فشار وی
د افغانستان د کرکټ د ملي لوبډلې مشر روزونکي فیل سیمنز له هند سره د افغانستان د کرکټ تر تاریخي لوبې څو ورځې مخکې نوې څرګندونې کړي دي.
 

ښاغلي سیمنز وايي چې افغان لوبغاړو د دغې لوبې لپاره ښه تمرینونه کړي او چمتو دي، خو ټېنګار کوي چې په لوبه کې به فشار وي.
هغه وايي "دا د افغانستان لومړنی ټسټ دی. د نړۍ له اولې درجې لوبډلې سره لوبه ده او په هند کې لوبه ده، دا ټول یو ډول فشارون دي. که تاسو مخکې د ټسټ لوبه نه وي کړې، دا په خپله یو فشار دی. فشار به هم وي، وارخطايي به هم وي او هیجان او احساسات به هم وي، خو دا چې څنګه دا ټول کنترولوو، دا مهم دي."
روزونکي سیمنز هیله وښوده چې افغان لوبغاړي به ښه لوبه وکړي. د افغانستان کرکټ بورډ په خپل رسمي فیسبوک کې د هغه مرکه خپره کړې ده.
افغانستان تېرکال په همدغه میاشت کې د کرکټ د نړیوالې شورا بشپړ غړی شو او سږکال په همدغې میاشت کې له هند سره خپله لومړنۍ ټسټ لوبه کوي.
 
https://avapress.com/vdchxmnzk23n-xd.yjt2.html
تبصره پوسټ کړئ
ستاسو نوم
ستاسو دبرېښنا ليک پته