خوښ ديک ۰

کندهار کې د طالبانو پر مرکز هوايي برید کې ۳۵ وسله‌وال وژل شوي

امنیتي مقامات وايې چې په کندهار کې د بهرنیو ځواکونو په هوايي برید کې د طالبانو یو مهم مرکز له منځه وړل شوی او د دغې ډلې ۳۵ وسله‌وال پکې وژل شوي.
کندهار کې د طالبانو پر مرکز هوايي برید کې ۳۵ وسله‌وال وژل شوي
دا هوايي بریدونه د کندهار په شمال د شاه ولیکوټ په ولسوالۍ کې نن سهار وختي درې بجې شوي دي.
دا د افغان حکومت له لوري د خپلو وسله والو مخالفینو سره د یو طرفه اوربند تر پایته رسیدو څلور ورځي وروسته په کندهار کې د وسله والو پر یوه مرکز تر ټولو لوی برید بلل کیږي.
د کندهار امنیه قومندان جنرال عبدالرازق امریکاغږ اشنا رادیو ته وويل چې افغان امنیتي ادارو د وسله والو په اړه استخباراتي معلومات لرل چې د نړیوالو ځواکونو په مرسته يې په نښه کړل.
هغه زیاته کړه "نن سهار وختي د شاه ولیکوټ ولسوالۍ په خواجه زو سیمه کې چې یوه لرې پرته سیمه ده د وسله والو پر یوه ستر مرکز هوايي بریدونه وکړه چې د ملا عبدالباري او ملا توریالي په ګډون چې د وسله والو مهم قومندانان دي ۳۵ وسله وال پکې وژل شوي او ۱۳ نور ټپیان شوي".
شاه ولیکوټ د کندهار په شمال کې د اروزګان او زابل ولایتونو سره په سرحد کې پرته ولسوالۍ ده چې د امنیتي مقاماتو په وینا د نن سهار وختي په هوايي بریدونو کې د درې واړه ولایتونو وسله وال طالبان پکې په نښه شوي.
تېره ورځ په کندهار کې د خاصو عملیاتو د لوا مرستیال په یوه مطبوعاتي ناسته کې وويل چې ځانګړي ځواکونه ډير پام د وسله والو د مرکزونو لمنځه وړلو ته کوي.
خپله وسله والو طالبانو د کندهار د نننۍ پېښې په اړه تبصره نده کړې.
سرچينه : د صدای افغان خبری آژانس(آوا)
پنجشنبه ۱۴ سرطان ۱۳۹۷ ساعت ۱۵:۴۱
د مطلب کود: 166573 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *