خوښ ديک ۰

چین: امریکا د تجارتی جګړې په پیلولو سره ټوله نړۍ کې اور لګوي

چین وايي امریکا د تجارتي جگړې په پیل کولو په ټوله نړۍ کې اور لگوي؛ چین گواښ کوي چی پیکنگ به خپل قانوني حقوق، گټي او په چین کې به ټولې خارجې پانگونې خوندي وساتي
چین: امریکا د تجارتی جګړې په پیلولو سره ټوله نړۍ کې اور لګوي
 
تجارتی تشنج د امریکا په شمول د یوشمیر سترو هېوادونو ترمنځ په نړۍ واله کچه مخ په زیاتیدو دی. ددی یو علت د ولسمشر ټرمپ له خوانه دامریکا د متحدینو لکه کاناډا، مکسیکو، اواروپايي اتحاد پر پولادو او الومونیم باندې د گمرکی تعرفولگول و.
چین، او اروپايی اتحآد اونورو هېوادونو گواښ کړی دی چې د امریکا ددې اقداماتو په وړاندې متقابل اقدامات وکړي.
تجارتي شخړو دامریکا پانگوونکي هم اندېښمن کړي دي؛ ځکه د جولای په شپږمه به امریکا د چین پر تجارتي اموالو د ٣۴ ملیاردو ډالرو په ارزښت تعرفی ولگوي.

چین خبرداری ور کړیدی چې متقابل گامونه به اوچت کړي او د امریکا پر اموالو به هم په عین مقدار تعرفی ولگوي.
د چین یوه حکومتي ویاند دامریکا له خوانه پر چینايی اجناسو د تعرفو د زیاتولو له امله نن د پنجشبنی په ورځوویل " پېکنگ به گواښونو او له خوږ گوتې نه د نیولو تاکتیک ته تسلیم نشي"
د ولسمشر ټرمپ اداره دیته چمتوده چی د چین پرهغو تجارتی اموالو باندې چې امریکا ته وادیږي د ٣۴ ملیاردو ډالرو په ارزښت تعرفې د جمعې په ورځ د جولای په شپږمه ولگوي. دغه جنجال د ټکنولوژۍ د پالیسۍ په اړه را پېدا شوی و.
د چین د تجارت وزارت ویاند گاو فینگ نن وویل امریکا د تجارتي جگړې په پیل کولو سرهپه ټوله نړۍ کې اور لگوي.
ولسمشر ډانلډ ټرمپ وايي دده مقصد پرخارجي اموالو باندې د تعرفو په لگولو کې دادی چې دامریکا ملی امنیت خوندي وساتي؛ خو نور ماهران وايی چی ددې معنی به د مستهلکینو لپاره داوي چې هغوی به زیاته قیمتونه ورکوي، ځکه له تعرفو لگولو نه وروسته به د تجارتي اموالو بیه به لوړه شي.
جمعه ۱۵ سرطان ۱۳۹۷ ساعت ۱۲:۲۸
د مطلب کود: 166601 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *