خوښ ديک ۰

ولسمشر غنی: غزنی ته نور حمایوی ځواکونه استول کیږی

ولسمشر محمد اشرف غني وایي د وسله وال پوځ د اعلی سرقوماندانی په وروستي غونډه کې غزني ښار ته د لا زیاتو حمایوي ځواکونو د لېږلو پرېکړه کړې ده.
ولسمشر غنی: غزنی ته نور حمایوی ځواکونه استول کیږی

ولسمشر غني تېره شپه ناوخته وویل ”څو شېبې مخکې مې د اعلی سرقومندانۍ په بيړنۍ غونډه کې د غزني له والي، د تندر قول اردو له قومندان، د غزني له امنيه قومندان او د ملي امنیت له رئیس سره تفصيلي خبرې وکړې او د دغه ولايت او د  غزني ښار د نظامي او بشري وضعیت په هکله مې د دوی صادقانه او تفصيلي معلومات واورېدل. “
هغه زیاته کړه ”د دښمن د يرغل پر وړاندې مې د امنيتي او دفاعي ځواکونو سرښندنې وستايلې او د دغه معلوماتو په رڼا کې مې غزني ولايت ته د لازياتو حمایوي ځواکونو د لېږلو پرېکړه وکړه چې ډېر ژر به دغه ولايت ته ورسېږي. “
دا په داسې حال کې ده چې د ملي پوځ لوی درستیز جنرال شریف یفتلي پرون له خبریالانو سره د مرکې پر مهال وویل، چې  تر راتلونکو دوو ورځو پورې به د دغه ولایت امنیتي وضعیت بدلون وکړي او اول نمبر لویه لاره به هم د ترافیکو او مسافرو پرمخ پرانستل شي.
نوموړي په غزني ولایت کې د ترهګرو د ځپلو په موخه د هیواد د امنیتي او دفاعي ځواکونو د عملیاتو د ورو والي لامل په یاد ولایت کې د ملکي وګړو د مرګ ژوبلې او د عامه شتمنیو د تخریب مخنیوی وباله.
جنرال یفتلي دې ته په ټینګار سره، چې د غزني ولایت اصلي طالبانو یاد ولایت کې د وروستي پراخ برید ځواک نه لرلو، زیاته کړه، په دې برید کې طالبان او ترهګر له هلمند، زابل، پکتیا او پکتیکا ولایتونو څخه غزني ته راغلي وو.
 
دوشنبه ۲۲ اسد ۱۳۹۷ ساعت ۱۰:۱۷
د مطلب کود: 168795 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *