وسله والو طالبانو د کندز– تخار پرلارې شاوخوا ۱۷۰ تنه مسافرین تښتولي

د کندز ولایت د امنیې قوماندان امنیت امر صفی الله محزون وایي پیښه د کندز ولایت اړوند د خان اباد ولسوالی په مربوطاتو کې رامنځته شوې ده.
ښاغلي محزون زیاته کړه، چې دغه مسافرین د کابل ولایت په لور روان و چې د وسله والو طالبانو له خوا وتښتول شول.
 چارواکي وایي اوس مهال په سیمه کې د یرغمل شوو مسافرینو د ژغورنې په هدف د افغان ګډو ځواکونو عملیاتو جریان لري.
د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.
کنندز د افغانستان په شمال کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.
خو د دولت ضد وسله والو د ځپلو په موخه د پکتیا ولایت په یو شمېر لرو پرتو او ناامنو ولسوالیو کې د پوځي عملیاتو ترڅنګ هوایي بریدونه  هم دوام لري