خوښ ديک ۰

پر کابل ښار د راکټي برید په اړه د وسله والو طالبانو دریځ

په افغانستان کې وسله والو طالبانو په یوه اعلامیه کې ویلي چې پر کابل ښار په راکټي برید کې دوی هیڅ لاس نه لري.
پر کابل ښار د راکټي برید په اړه د وسله والو طالبانو دریځ

د طالبانو ویاند ذبیح الله مجاهد په یوه بیان کې ویلي ”د کابل د نن ورځې بریدونه د اسلامي امارت د مجاهدینو پورې اړه نه لري. “
د کورنیو چارو وزارت ویاند نجیب دانش تردې مخکې ویلي و، چې لومړنی څېړنې ښیي چې په دې برید کې دوه موټرونه چې راکټونه په کې وو، استفاده شوې او ۳ بریدګر په کې ښکېل وو.
نوموړی زیاته کړه، چې د برید په ترڅ کې دوه سرتېري له وسله والو سره د نښتې په مهال سربیرن ټپیان شوي دي.
د ښاغلي دانش په وینا، د وسله والو له خوا توغول شوي راکټونه د کابل ښار په لومړی، دوهمې، لسمې او شپاړسمې امنیتي حوزې په مربوطاتو کې لګېدلي دي.
تر اوسه کوم چا یا ډله د برید مسئولیت په غاړه نه دی اخیستی.
 
سرچينه : د صدای افغان خبری آژانس(آوا)
سی شنبه ۳۰ اسد ۱۳۹۷ ساعت ۱۶:۱۳
د مطلب کود: 169253 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *