خوښ ديک ۰

ټرمپ: د افغانستان مسایل تل څارم

د امریکا د متحده ایالاتو جمهور رئیس ډونالډ ټرمپ، ویلي دي چې د افغانستان مسایل تل څاري.
ټرمپ: د افغانستان مسایل تل څارم

جمهور رئیس ټرمپ همداشان ویلي دي چې د افغانستان د جګړې د خصوصي کولو په اړه په وړاندیز یې غور ندی کړی.
ښاغلي ټرمپ دا خبره پداسې حال کې کړې چې دوه ورځې مخکې د امریکا د اوسني او پخواني حکومت یو شمیر مقاماتو وویل چې خصوصي شرکتونو ته د افغانستان د جگړې د ورکولو په اړه د جمهور رئیس ټرمپ لیوالتیا زیاته شوې ده.
د بلک واټر امنیتي شرکت بنسټ ایښودونکی او مالک اریک پرنس، هڅه کوي چې د ښاغلي ټرمپ اداره وهڅوي چې یوې خوا په افغانستان کې د امریکا جگړه خصوصي کړي او مسولیت یې د بلک واټر شرکت ته وسپاري او له بلې خوا د هغه هیواد کانونه استخراج کړي.
خو ښاغلي ټرمپ د رویټرز اژانس سره په مرکه کې ویلي دي چې "د اریک پرنس په پلان غور نه کوم."
اریک پرنس په سپینه ماڼۍ کې له نفوذ نه برخورداره دی. هغه د امریکا د ملي امنیت د پخواني سلاکار استفن بنن، دوست دی او خور یې بتسی دیووس، د ښاغلي ټرمپ د ادارې د پوهنې وزیره ده.
د افغانستان لپاره د امریکا د ستراتیژۍ کلیزه
د افغانستان په هکله د جمهور رئیس ټرمپ څرگندونې په داسې حال کې کیږي چې د افغانستان او د اسیا د جنوب لپاره د امریکا د متحده ایالاتو د ستراتیژۍ نه یو کا تیر شو.
سره له دې چې د امریکا د ستراتیژۍ له مخې په افغانستان کې یو شمیر امریکایي ځواکونه زیات شوي، خو په هغه هیواد کې امنیتي وضعیت خراب شوی او حتی د طالبانو ډله توانیدلې چې لوی ښارونه وگواښي.
جمهور رئیس ټرمپ د رویترز سره په پخله مرکه کې همداشان ویلي دي چې هغه شخصاً د منځني ختیځ حالاتو ته پام کوي، خو ټینگار یې کړی دی چې امریکا به هیڅکله د منځني ختیځ په کشاله کې ښکیل نشي.
ښاغلي ټرمپ ویلي "هیڅکله باید په منځني ختیځ کې دخیل شوی نه وای. دا زمونږ د هیواد په تاریخ کې یوه لویه اشتباه وه."
سرچينه : د صدای افغان خبری آژانس(آوا)
سی شنبه ۳۰ اسد ۱۳۹۷ ساعت ۱۹:۰۴
د مطلب کود: 169268 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *