خوښ ديک ۰

د کرویشیا ولسمشرې په بلخ کې د خپل هېواد له سرتېرو سره لیدلي

د کرویشیا ولسمشره افغانستان ته راغلې وه او هلته یې د خپل هېواد له هغو سرتېرو سره کتلي چې دلته د ناټو د قاطع ملاتړ د ماموریت په چوکاټ کې دنده ترسره کوي.
د کرویشیا ولسمشرې په بلخ کې د خپل هېواد له سرتېرو سره لیدلي

د کرویشیا رسنیو راپور ورکړی دی چې کلویندا ګرابر کیتاروچیک پرون په مزار شریف کې د کرويشیايي سرتېرو پوځي کمپ ته ورغلې وه.
مېرمن کیتاروچیک د خپل هېواد سرتېرو ته ویلي چې افغانستان، جنوب ختیځه اسیا او مرکزي اسیا لا هم له لوړو امنیتي ګواښونو سره مخ دي چې باید په وړاندې یې مبارزه وشي.
نوموړې د خپل هېواد سرتېرو ته ویلي چې په افغانستان کې د دوی دنده ددوی د خپل هېواد د امنیت له ساتلو سره مرسته کوي.
دا مهال په افغانستان کې تر سلو زیات کرويشیايي سرتېري د ناټو د قاطع ملاتړ د ماموریت په چوکاټ کې دنده ترسره کوي.
 
سرچينه : د صدای افغان خبری آژانس(آوا)
شنبی ۳ سنبله ۱۳۹۷ ساعت ۱۶:۴۹
د مطلب کود: 169390 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *