د افغانستان د کرنې او مالدارۍ وزارت وايي، په پام کې لري چې په روان کال کې ۲۴۵ مټریک ټنه د زعفرانو پياز په کروندګرو ووېشي.
په روان کال کې ۲۴۵ مټریک ټنه د زعفرانو پياز په کروندګرو وېشل کېږي
6 سنبله 1397 ساعت 15:49
د افغانستان د کرنې او مالدارۍ وزارت وايي، په پام کې لري چې په روان کال کې ۲۴۵ مټریک ټنه د زعفرانو پياز په کروندګرو ووېشي.
د دغه وزارت ویاند اکبر رستمي نن سې شنبه ازادي راډیو ته وویل چې دغه بهیر په ټول هېواد کې د زعفرانو د کښت د پراختیا او بزګرانو سره د مرستې په هدف له يوې میاشتې راهیسې پېل شوی او د زعفرانو پياز په وړیا ډول بزګرانو ته ورکول کېږي.
د ښاغلي رستمي په خبره، د ښه بازار او د عوایدو د زیاتوالي له امله په دې ورستیو کې د زعفرانو کښت ته د هېواد په زیاتره ولایتونو کې لېوالتیا زیاته شوې ده.
د نوموړي په خبره، دغه وزارت هڅه کوي چې کروندګرو سره د زعفرانو د کښت د لا پراختیا په برخه کې لا زیاتې همکارۍ وکړي.
د مطلب کود: 169579