د اریزونا ایالت په مرکز فنیکس کې د امریکا د سناتور جان مککین جسد د هغه د کورنۍ د غړیو، پخوانیو همکارانو او نورو عامو خلکو د لیدو لپاره پرون کیښودل شو.
دخپریدو نیټه :پنجشنبه ۸ سنبله ۱۳۹۷ ساعت ۰۹:۵۵
د مطلب کود : 169673
د اریزونا ګورنر ډوګ ډوسي په دې مراسمو کې د اریزونا مشهور طبیعي پارک ته اشاره وکړه چې په نړۍ کې یو بیساری پارک دی او د جان مککین ستاینه یې داسې وکړه :
« نورې نړۍ ته جان مککین د اریزونا و. کله چې موږ ټول دلته راغلو او خلکو ته مو وویل چې موږ د اریزونا یوو، خلک په دې برخه کې له دوو سترو شیانو خبر دي، له جان مککین او ګرند کانیون څخه، تاسو اریزونا له جان مککین پرته تصور کړئ لکه اریزونا چې له ګراند کانیون پرته تصور کوئ، دا طبیعي نه ده»
جان مککین چې دوه ځله د جمهوري غوښتونکي ګوند له لورې د امریکا د ولسمشرۍ انتخاباتو ته کاندید شوی و، د شنبې په ورځ د یو اتیا کلونو په عمر د سرطان د ناروغي له امله مړ شو.
avapress.com/vdchqwnzx23n--d.yjt2.html
ټګونه
ډیری لیدل شوي
مربوطه لیکنې
[۴ سنبله ۱۳۹۷] 
