خوښ ديک ۰

پاکستان بهرنیو چارو وزیر د خپل امریکایی سیال سره د ۳۰۰ میلیونو ډالرو مرستې لغوه کیدو په اړه خبری کوی

د پاکستان د بهرنیو چارو وزیر شاه محمود قریشي وايي، ټاکل شوې چې د پاکستان پوځ ته د امریکا د ۳۰۰ میليونو ډالرو مرستې د لغوه کېدو په اړه به له خپل امریکايي سیال مایک پامپیو سره خبرې وکړي.
پاکستان بهرنیو چارو وزیر د خپل امریکایی سیال سره د ۳۰۰ میلیونو ډالرو مرستې لغوه کیدو په اړه خبری کوی

قریشي پرون ناوخته خبریالانو ته وویل، دا موضوع به د امریکا د بهرنیو چارو له وزیر مایک پامپیو او د امریکا له لوی درستیز جنرال جوزیف ډانفورډ سره لیدنه کې چې ټاکل شوې دوه ورځې وروسته اسلام اباد ته ورشي، یاده کړي.
قریشي وویل:
"له پامپیو سره به کېنو، خپل نظریات به ورسره شریک کړو او د هغوی به هم واورو."
د پاکستان د بهرنیو چارو وزیر همدارنګه ویلي چې دا پیسې مرسته نه ده، بلکې د پاکستان هغه پیسې دي چې د ترهګرۍ پر ضد مبارزه کې یې لګولي دي چې امریکا یې باید ورکړي.
د امریکا دفاع وزارت درې ورځې مخکې اعلان وکړ چې پاکستان سره یې ۳۰۰ میليونه ډالره مرسته له دې کبله چې دې هېواد د سخت دریځو ډلو پر ضد اقدامات نه دی کړی، ځنډولې ده.
 
دوشنبه ۱۲ سنبله ۱۳۹۷ ساعت ۱۸:۴۶
د مطلب کود: 169978 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *