د پلچرخي زندان مرستیال قوماندان سیدآقا اندرابي په دی اړه وویل، ډېری دا محبوسین طالب بندیان وو چې د پلچرخي زندان نظم یې ګډوډ کړی و:
" ۷۴ تنه هغه یاغي محبوسین مو بګرام زندان ته ولېږدول چې په دې زندان کې یې بې نظمي او ګډوډي جوړوله او نور محبوسین یې یرغمل کړي وو."
د یادونې وړ ده چې بګرام زندان د افغانستان د دفاع وزارت له خوا اداره کېږي.
ښاغلي اندرابي په پلچرخي زندان کې د بندیانو او پولیسو ترمینځ د اخ و ډب په اړه راپورونه رد کړل.