خوښ ديک ۰

ننګرهار کې پر لاریون کوونکو باندی ځانمرګی برید شوي

د ننګرهار ولایت د مومندرې ولسوالی په مربوطاتو د لاريون کوونکو پر یوه ډله ځانمرګي برید شوی او په ترڅ کې لسګونو کسانو ته مرګ ژوبله اوښتې ده.
ننګرهار کې پر لاریون کوونکو باندی ځانمرګی برید شوي

د مومندرې ولسوال حضرت خاکساري د پيښې پخلی کوي او زیاتوي چې د برید په ترڅ کې یو شمېر کسانو ته مرګ ژوبله اوښتې ده خو د کره شمېر په اړه معلومات په لاس کې نشته.
د ننګرهار ولایت د عامې روغتیا ریاست چارواکي وایي د برید په ترڅ کې لږ تر لږه ۳۰ کسان وژل شوي او تر ۶۰ زیات ټپیان دي.
د ننګرهار والي ویاند عطاالله خوګیاڼي تر دې مخکې ویلي و چې د برید په ترڅ کې لږ تر لږه ۱۹ کسان وژل شوي او شاوخوا ۵۷ نور ټپيان دي.
ښاغلي خوګیاڼي زیاته کړه، چې د پیښې ټپیان په غني خېلو او جلال اباد ښار روغتونو ته انتقال شوي دي.
خو د ننګرهار ولایتي شورا یوه غړی وایي د برید په ترڅ کې شاوخوا ۴۰ کسان وژل شوي او لسګونه نور ټپيان دي.
تر اوسه کوم چا یا ډله د برید مسئولیت په غاړه نه دی اخیستی.
 
سی شنبه ۲۰ سنبله ۱۳۹۷ ساعت ۱۷:۰۴
د مطلب کود: 170534 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *