کد QR مطلبدریافت صفحه با کد QR

پکتیا ولایت زرمت ولسوالی مربوطه سیمو کې نږدی ۹۵ وسله والو ته مرګژوبله

20 سنبله 1397 ساعت 17:12

د پکتیا ولایت د زرمت ولسوالی په مروبوطاتو کې له امنیتي او دفاعي ځواکونو سره د نښتې پر مهال شاوخوا ۹۵ وسله والو ته مرګ ژوبله اوښتې ده.



په جنوب ختېځ کې د پوځ ۲۰۳ تندر قول اردو قوماندانی په یوه بیان کې ویلي، چې د تندر قول اردو ځواکونو د پکتیا ولایت زرمت ولسوالۍ د چوڼۍ په سیمه کې ۹۵ تنه وسله والو ترهګرو ته مرګ ژوبله اړولې ده.
خبرپاڼه زیاتويو چې د ۲۰۳ تندر قول اردو جزوتامونو د (تندر۲) عملیاتو په ترڅ کې چې تیره ورځ پیل شوي، ۳۵ تنه وسله وال ترهګر وژلي، ۶۰ تنه نور ژوبل کړي چې د ۸ تنو جسدونه د جنګ په میدان کې د دښمن پاتي دي.
د تندر قول اردو په وینا، همداراز ایتلافي هوايي ځواکونو د غزني ولایت ناوې ولسوالۍ د جمال کلي په سیمه کې پر وسله والو مخالفینو هوايي برید کړی په پایله کې یې ۱۷  تنه وسله وال وژلي او زیات شمیر نور ژوبل کړيدي.
د دولت ضد وسله والې ډلې تر اوسه په دې اړه څه نه دي ویلي.
پکتیا د افغانستان په جنوب ختېځ کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.
د پکتیا په یو شمېر لرو پرتو سیمو کې اوس هم کله ناکله امنيتي پيښې رامنځته کیږي.
 


د مطلب کود: 170537

دمطلب پته :
https://www.avapress.com/ps/news/170537/پکتیا-ولایت-زرمت-ولسوالی-مربوطه-سیمو-کې-نږدی-۹۵-وسله-والو-ته-مرګژوبله

آوا
  https://www.avapress.com