خوښ ديک ۰

ګلبدین حکمتیار: سیاسی ګوندونه به د تقلبی ټاکنو په وړاندی ودریږی

د حزب اسلامي مشر ګلبدین حکمتیار وايي، سیاسي احزاب به په ټول توان د تقلبي انتخاباتو پر وړاندې ودرېږي.
ګلبدین حکمتیار: سیاسی ګوندونه به د تقلبی ټاکنو په وړاندی ودریږی

په داسې حال کې چې د ولسي جرګې د انتخاباتو ترسره کېدو ته ۳۹ ورځې پاتې دي، خو سیاسي احزاب خبرداری ورکوي چې هېڅ‌څوک نه‌شي کولای چې تقلبي انتخابات ترسره کړي.
د حزب اسلامي مشر ګلبدین حکمتیار وايي، په حکومت کې ځینې کړۍ شته چې غواړي له سیاسي ګوندونو سره د تفاهم پر ځای، د تقابل لاره غوره کړي، خو په خبره‌یې چې دا د هېڅ‌چا په ګټه نه‌ده.

ښاغلي حکمتیار د سې شنبې په ورځ کابل کې یوې خبري غونډې ته د خبرو پر مهال ادعا وکړه چې په میلیونونو سټیکرونه په جعلي تذکرو نصب شوي چې دا په خپله په لاسي تقلب ته لاره هوارول دي.
دی وایي:
"تعجب کوم چې کمېسیون وايي چې یو جعلي سټیکر نه‌دی چاپ شوی، هو سټیکر جعل شوی نه‌دی، خو پرېمانه له حسابه وتلي سټیکرې په جعلي تذکرو لګول شوي دي او دا لکونه نه‌دي، بلکې په میلیونونو دي، خو هېڅ‌څوک نه‌شي کولای چې تقلبي انتخابات ترسره کړي."
د ښاغلي حکمتیار په خبره که څه هم ولسمشر له سیاسي احزابو سره منلې چې د رأی ورکونې پروسه د بایو مټریک سیستم له لارې وشي، خو دوی باوري نه‌دي.
نوموړی وايي، ټول سیاسي احزاب په خپل دریځ کلک ولاړ دي او حکومت مجبور دی چې د خلکو او ګوندونو غوښتنې ومني.
که څه هم تر دې وړاندې سیاسي ګوندونو د بایو مټریک سیستم څخه د استفادې سربېره ځیني نور وړاندیزونه حکومت ته کړي وو، خو اوس ګلبدین حکمتیار وايي له نورو وړاندیزونو تېر دي، خو بایو مټریک سیستم څخه پرته انتخابات نه‌شي کېدای.
ګلبدین حکمتیار د ولسوالیو شوراګانو د انتخاباتو د نه‌کولو له کبله هم په حکومت جدي انتقادونه وکړل.
له دې ټولو سره سره د انتخاباتو خپلواک کمېسیون د وخت کمښت ته په پام سره وايي چې په انتخاباتو کې د بایو مټریک ټکنالوژۍ استفاده هېڅ امکان نه‌لري.
 
سی شنبه ۲۰ سنبله ۱۳۹۷ ساعت ۱۷:۱۷
د مطلب کود: 170539 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *