خوښ ديک ۰

په فراه کې ۱۷ امنیتي سرتېري وژل شوي

په فراه ولایت کې تېره شپه په دوه بېلابېلو پېښو کې ۱۷ امنیتي سرتېري وژل شوي دي.
په فراه کې ۱۷ امنیتي سرتېري وژل شوي

د فراه ولایتي شورا رییس فرید بختور وايي، وسلوالو د مرکز په سور سیمه کې د ملي اردو پر پوسته برید کړی، چې له کبله یی اووه سرتېرو ژوند له لاسه ورکړی دی.
هغه زیاته کړې، چې وسلوالو د فراه د پشت رود ولسوالۍ په ګجکین سیمه کې هم یوه امنیتي پوسته نیولې ده.
نوموړي دغه راز ویلي، چې په دې برید کې لس پولیسو ژوند له لاسه ورکړی او وسلوالو یې وسلې او مهمات له ځان سره وړي دي.
تراوسه امنیتي چارواکو او طالبانو په دې اړه څه ندي ویلي.
دا په داسې حال کې ده، چې دوه ورځې مخکې د ملي اردو یوه چورلکه په خاکسفید ولسوالۍ کې پر طالبانو د عملیاتو پر وخت رالویدلې، چې په کې د پیلوت توریالي په ګډون پېنځه کسان وژل شوي دي.
 
دوشنبه ۲۶ سنبله ۱۳۹۷ ساعت ۱۲:۲۵
د مطلب کود: 170937 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *