تانزانیا کې د یوې کښتۍ د چپه کېدو له امله ۱۰۰ کسان وژل شوي

د موانا سيمې والي جان مونګيلا نن سهار وويل، لږ تر لږه ٣٧ نور کسان ژغورل شوي دي.

تر سلو د زياتو قربانيانو مړي نن تر غرمې پورې ترلاسه شوي او فکر کېږي چې په لسګونو نور کسان به لادرکه وي.

کښتۍ په هغه جهيل کې ډوبه شوې چې شا و خوا يې تانزانيا، کينيا او يوګاندا هېوادونه دي.

په لومړنيو معلوماتو کې ويل شوي چې په دې کښتۍ کې تر ٣٠٠ ډېر کسان سپاره وو، خو د دوى دقيق شمېر لا معلوم نه دى.