خوښ ديک ۰

ایران کې د رسم پر مهال د خونړی برید په اړه د افغان حکومت غبرګون

ایران کې د رسم پر مهال د خونړی برید په اړه د افغان حکومت غبرګون

د افغانستان حکومت په ایران د رسم ګذشت پر مهال د ناڅرګندو وسله والو له لوري د خونړی برید په اړه عکس العمل وښود.

ارګ ماڼی په یوه بیان کې ویلي، چېد افغانستان اسلامي جمهوري دولت د ایران پر اهواز ښار تروریستي برید چې له امله یې د دغه هېواد یو شمېر اوسېدونکي قرباني شول، په کلکه غندي.
 خبرپاڼه زیاتوي، چې د افغانستان حکومت او خلکو له کلونو راهیسې تروریزم سره په مبارزه کې زیاتې قربانۍ ورکړي او لا هم زموږ زړور امنیتي او دفاعي ځواکونه له دغې شومې پدیدې سره د جګړې په لومړۍ کرښه کې قرار لري.
د ارګ ماڼی په وینا، د افغانستان حکومت په دې باور دی چې تروریزم سیمه‌ییزه او نړیواله ښکارنده ده او د دې اړتیا ده چې هېوادونه په ګډه همکارۍ او له توپیر پرته د هغې په ضد مبارزه وکړي او دغسې همکاري کولای شي چې د تروریزم په ضد د مبارزې موثریت دوه چنده کړي.
په خبرپاڼه کې راغلي دي، چې موږ په دې باور یوو چې تروریزم سرحد نه پېژني او د ټول بشریت دښمن دی، ځکه د هر هېواد اوسېدونکي په هر ځای کې په نښه کوي له همدې امله د دې وخت را رسېدلی دی چې له دغې ښکارندې سره د ټولیزې اجماع له لارې جدي او صادقانه مقابله وشي.
د راپورونو له مخې، د تیرې ورځې د برید په ترڅ کې لږ تر لږه ۲۹ کسان وژل شوي او شاوخوا۷۰ نور ټپيان دي.
 
سرچينه : د صدای افغان خبری آژانس(آوا)
یکشنبه ۱ میزان ۱۳۹۷ ساعت ۰۸:۳۸
د مطلب کود: 171278 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *