خوښ ديک ۰

سعودی عربستان کې افغان حکومت پلاوی د طالبانو یو شمیر استازو سره کتلې

د راپورونو له مخې، د افغان حکومت یوه پلاوي په سعودي عربستان کې د طالبانو له یو شمېر استازو سره کتلي دي.
سعودی عربستان کې افغان حکومت پلاوی د طالبانو یو شمیر استازو سره کتلې

د طالبانو یوه استازي د نوم نه ښودلو په شرط رویټرز خبرې اژانس ته ویلي، چې افغان چارواکو د طالبانو له استازو سره د ټاکنو د امنیت د خوندیتوب په اړه غږيدلي دي.
سرچینه زیاتوي، چې افغان چارواکو د طالبانو له استازو څخه غوښتې دي چې په سولییزه توګه د ټاکنو په ترسره کولو کې له حکومت سره همکاري وکړي.
د سرچینې په وینا، افغان حکومت د یو شمېر طالب بندیانو له خوشې کولو سره هم موافقه کړې ده او هغه بندیان چې جرمونه یې واړه وو، خوشې شوي دي.
د طالبانو دغه سرچینه وایي چې د نورو زندانیانو د خوشې کولو لپاره هلې ځلې روانې دي.
سرچینه زیاتوي، چې په زندانانو کې بند طالبان په درېیو کټګوریو کې وېشل شوي دي، چې پر اساس به یې یاد زندانیان په راتلونکي کې له زندانونو څخه خوشې شي.
د افغانستان حکومت تر اوسه په دې اړه څه نه دي ویلي.
 
شنبی ۷ میزان ۱۳۹۷ ساعت ۰۸:۵۱
د مطلب کود: 171675 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *