خوښ ديک ۰

الیس ویلز: امريکا له طالبانو سره د افغان حکومت په مشرۍ خبرې غواړي

الیس ویلز: امريکا له طالبانو سره د افغان حکومت په مشرۍ خبرې غواړي
سویلي اسیا لپاره د امریکا د بهرنیو چارو وزارت مرستیاله، الیس ویلز وايي د افغان حکومت له مشرۍ پرته له طالبانو سره خبرې کول مثبته نتيجه نه ورکوي.
الیس ویلز ویلي له طالبانو سره هر ډول خبري د افغان حکومت او ملت په مشرۍ تر سره کېږي.
د ویلز په ویناپرته د افغان حکومت او ملت له مشرۍ څخه به بل هيڅ ډول خبري اغيزمني نه وي او هیڅ سياسي حل لاره به ونه شي کولای چې په دې برخه کې مثبته نتيجه وکړي.
نوموړي دا هم ويلي چې واشنکټن له اسلام اباد سره د ښو اړيکو غوښتونکی دی.
ميرمن ويلز ويلي پاکستان کولای شي چې د افغانستان د سولې او ثبات په برخه کې اغيزمن رول ولوبوي او امريکا تمه لري چې پاکستان د ترهګرو پر ضد کوټلي ګامونه پورته کړي.
الیس ویلز تر اوسه څو ځلې په قطر کې له طالب چارواکو سره د افغانستان د سولې په اړه خبرې کړي دي.
 
سرچينه : د صدای افغان خبری آژانس(آوا)
شنبی ۷ میزان ۱۳۹۷ ساعت ۱۱:۰۲
د مطلب کود: 171690 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *