د افغانستان د اسلامي جمهوریت د جمهوررئیس محمداشرف غني په مشرۍ ملي تدارکاتو کمېسیون پرون ماښام په ارګ کې ۲۱ تدارکاتي مورده وارزول او د ۵.۳۷ میلیون افغانیو په ارزښت یې ۱۹ پروژې منظور کړې.
- د احصایې او مالوماتو ملي ادارې اړوند د رای ورکوونکو د مالوماتو د راټولولو بایومټرک سیستم او وسایلو د برابرولو او تدارک پروژې قرارداد ؛
د افغانستان د برښنا شرکت اړوند د کاسا۱۰۰۰ پروژې لپاره د څارنې مشورتي کمپنۍ د استخدام د ورکړې قرارداد؛
د جمهوري ریاست د عملیاتي او حمایوي واحد د مالي او اداري ریاست اړوند د دارالامان ماڼۍ د اساسي ترمیم پروژې د ورکړې قرارداد؛
د انرژی او اوبو وزارت اړوند د کندز ولایت د ارچي او شهروان کانال د جوړولو او بیارغونې پروژې د ورکړې قرارداد؛
د پایتخت زون خپلواکې ادارې اړوند د میدان ښار د لوژستیکي پارک د ساحې د سړکونو د جوړولو او هوارولو پروژې د ورکړې قرارداد؛
د ۲.۵ کیلو متر په اوږدوالي د کابل سيند د یوې برخې د پاکولوپروژې د ورکړې قرارداد؛
د ۱.۷ کیلومترو په اوږدوالي د خوشحال خان مېنې د ج برخې د سرکونو د جوړولو پروژې د ورکړې قرارداد؛
د پولیسو د درېسوه بستریز روغتون د لومړۍ برخې د ترمیماتي چارو د پروژې د ورکړې قرارداد؛
د کورنیو چارو وزارت د نوې امنیتي قرارګاه د تحکیماتي چارو د پروژې د ورکړې قرارداد.
غونډه کې د ملي تدارکاتو کمېسیون د مخکېنیو لارښوونو د تحقق راپور او د ځینو پروژو د تعدیل غوښتنه وارزول شوه چې په پایله کې لاندې موارد تصویب شول.
- د مچلغو بند د ډیزاین او جوړولو پروژې د ورکړې قرارداد
د ګبیوني پروژو د تطبیقي طرحې ( د مالیې وزارت په موافقه د اړتیا وړ بودجې د برابرولو لارښوونه وشوه)
د تالقان ښار د ۵۱.۱ کیلو مترپه اوږدوالي دسرکونو د کار د پاتې برخې د قرارداد ورکړه، د ۲۶.۲۷ کیلو متر په اوږدوالي له ینګي قلعه څخه تر چاه آب ولسوالۍ پورې د سرک د قیرکولو او له چغچران څخه تر ګردندیوال پورې د سرک د جوړولو پروژه منظور شوه
د کاري میاشتې د بدلون وړاندیزپه دقیقه نېټه پیل او د قرارداد ختم د بودجې د اصولو مطابق، د سمنګان د دره صوف ولسوالۍ د شباشک سرک د جوړولو پروژه او د قیصار لامان حلقوي سرک د پروژې د حقوقي چارو د مخته وړلو په خاطر د حقوقي بنسټ د استخدام د قرارداد د تعدیل منظوری.
د تدارکاتي اسنادو د پړاونو د بشپړولو په برخه کې د پولي صلاحیت په اړه د کابل ښاروالۍ د غوښتنې منظوري.
غونډې د کابل د ۱۳مې ناحیې د عرفاني سرک د ډیزاین اوجوړولو غوښتنه منظور کړه اوکابل ښاروالۍ ته یې لارښونه وکړه چې د دغې پروژې د جوړولو د تدارکاتو بهیرد مقیدې داوطلبۍ له لارې ژر تر ژره ترسره کړي.
په دې غونډه کې د ولسي جرګې د مالي او بودجې او ملي اقتصاد کمېسیونونو، د افغانستان د شفافیت څار بنسټ، د سیګار او د غوڅ ملاتړ سیستیکا ملي او بین المللي څارونکو هم حضور درلود.