خوښ ديک ۰

ټاکنیز موادو حساس او غیری حساس لویه برخه و کابل ته رسیدلي

د افغانستان د انتخاباتو خپلواک کمېسیون وايي چې د ولسي جرګې انتخاباتو ته چمتووالی د بشپړېدو په حال کې دی او ډېری حساس او غیر حساس مواد کابل ته را رسېدلي دي او وروستۍ جوپه به‎یې نن را ورسېږي.
ټاکنیز موادو حساس او غیری حساس لویه برخه و کابل ته رسیدلي

د دغه کمېسیون منشي او ویاند سید حفظ الله هاشمي په دی اړه وویل، دغه مواد د نورو ولایتونو مرکزونو ته رسېدلي او د کابل زون پنجشیر، کاپیسا او د پروان ولایتونو مرکزونو ته به نن ورسېږي.

دی وايي:
"هغه حساس مواد چې د انتخاباتو لپاره په‎کار دي لکه پوسټرونه، رنګ، قرطاسیه او نور بېلابېل مواد ټول رارسېدلي دي او دغه مواد د کابل زون پرته د نورو ټولو ولایتونو مرکزونو ته رسېدلي دي."
ښاغلی هاشمي زیاتوي چې د بایومټریک شاوخوا اته نیم زره دستګاوې؛ پرینټر او سرورونه کابل هم ته رسېدلي او پاتې نور به نن د چهارشنبې په ورځ له دُبۍ کابل ته را ورسېږي.

نوموړی وايي، د بایومټریک وسایلو د کارېدنې او د انتخاباتو مرکزونو د کارکوونکو د نیولو لپاره چټک کار روان دی.
د افغانستان د ولسي جرګې انتخابات د روان کال د میزان په ۲۸مه ترسره کېږي او دا مهال ورته له غزني پرته د کاندیدانو له لوري په ټولو ولایتونو کې کمپاینونه روان دي.
د افغانستان د ازادو او عادلانه انتخاباتو د څار بنسټ یا فیفا که څه هم د انتخاباتو د چمتووالي له هڅو هرکلي کوي، خو په ولایتونو او له ولایتونو ولسوالیو ته د حساسو مواد د لېږد د خوندیتوب په اړه اندېښمن دي.
د دغه بنسټ اجرائیوي یوسف رشید وايي، که حساس مواد خوندي ونه ساتل شي، راتلونکي انتخاباتو شفافیت به تر پوښتنې لاندې راشي.
په افغانستان کې روانه ناامني د ولسي جرګې د راتلونکو انتخاباتو په وړاندې تر ټولو ستره ستونزه ده.
خو د انتخاباتو خپلواک کمېسیون وايي چې امنیتي ادارو ورته بشپړ چمتوالی نیولی او ډاډ ورکوي چې دغه انتخابات به په ټاکلي وخت په شفاف ډول ترسره شي.
چهارشنبه ۱۱ میزان ۱۳۹۷ ساعت ۱۲:۳۰
د مطلب کود: 171979 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *