خوښ ديک ۰

ولسمشر غني د ابوعلي سینا بلخي ۳۶۰ بستریز روغتون پرانیست

ولسمشر محمد اشرف غني بلخ ولایت ته د خپل سفر په ترڅ کې پرون د ابو علي سینا بلخې ۳۶۰ بستریز روغتون پرانیست.
ولسمشر غني د ابوعلي سینا بلخي ۳۶۰ بستریز روغتون پرانیست

ارګ ماڼی په یوه بیان کې ویلي، چې ولسمشر غني د بلخ ولایت حوزوي روغتون د پرانیستې او د دې ولایت له بېلابېلو اقشارو سره د کتنې په موخه پرون د یو لوړ پوړي دولتي پلاوي په مشرۍ، بلخ ولایت ته ورسېد.
خبرپاڼه زیاتوي، چې جمهوررئیس غني مزار شریف ته له رسېدو وروسته د هېواد له لومړۍ مېرمن سره یوځای د بلخ نسایي ولادي روغتون د پرانیستې ځای ته ولاړ او د ابو علي سینای بلخي د ۳۶۰ بستریز روغتون پرانیسته یې وکړه.
د ارګ ماڼی له مخې، ولسمشر غني د بلخ له والي محمداسحاق رهګذر، امنیه قومندان، ملي امنیت رئیس او د ۲۰۹ شاهین قول اردو قومندان سره په جلا کتنو کې د هغوی د اجرااتو راپور واورېد.
په خبرپاڼه کې راغلي دي، چې وروسته د جمهوررئیس محمداشرف غني او د وسله‎وال پوځ اعلی سرقومندان په مشرۍ امنیتي غونډه کې چې د ولایت مقام په مقر کې جوړه شوې وه، لوړپوړو امنیتي او دفاعي مسولینو د هېواد د شمالي ولایتونو د امنیتي وضعیت په اړه راپور وړاندې کړ.
 
سرچينه : د صدای افغان خبری آژانس(آوا)
شنبی ۱۴ میزان ۱۳۹۷ ساعت ۱۰:۰۴
د مطلب کود: 172097 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *