خوښ ديک ۰

کونړ کې نښتې وسله طالبانو، داعشیانو او ماشومانو ته مرګ ژوبله اړولې

د کونړ ولایت په وټه پور ولسوالی په مربوطاتو کې د وسله والو طالبانو او د اسلامي دولت نومې ډلې پلویانو ترمنځ نښتې رامنځته شوې چې له امله یې یو شمېر وسله والو او ملکي وګړو ته مرګ ژوبله اوښتې ده.
کونړ کې نښتې وسله طالبانو، داعشیانو او ماشومانو ته مرګ ژوبله اړولې

په ختېځ کې د ملي پوځ ۲۰۱ سیلاب قول اردو په یوه بیان کې ویلي، چې تېره ورځ د کونړ ولایت وټه پور ولسوالی د څپرې په سیمه کې د وسلوالو طالبانو او داعش جنګیالیو ترمنځ وسلواله نښته رامنځته شوې چې په ترڅ کې یې ۴ تنه وسلوال طالبان وژل شوي او ۳ تنه نور یې ټپیان شوي دي.
خبرپاڼه زیاتوي، چې د نښتې په ترڅ کې ۴ تنه داعش جنګیالي هم وژل شوي دي.
په خبرپاڼه کې راغلي ”د خواشیني ځای دی چې د دواړو تروریستی ډلو د وسلوالې نښتې په ترڅ کې ۱ تن دوه کلنه کوچني ماشومه په شهادت رسیدلې او ۱ تن کوچني ماشومه تپي شوې ده.“
د وسله والو طالبانو او داعشیانو په ګډون د دولت ضد وسله والې ډلې تر اوسه په دې اړه څه نه دي ویلي.
 
سرچينه : د صدای افغان خبری آژانس(آوا)
شنبی ۱۴ میزان ۱۳۹۷ ساعت ۱۰:۵۱
د مطلب کود: 172104 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *