طالبانو ټاکنیز اهدافو په نښه کولو خبرداری ورکړي

طالبانو په یوه بیان کې ویلي ”اسلامي امارت ټولو مجاهدینو ته هم لارښوونه کوي چې د ملکي او عامو افغانانو ژوند او مال ته د جدي پام ساتلو تر څنګ په ټول هیواد کې د دغې امریکايي پروسې د مخنیوي هڅه وکړي، کلک خنډونه ورته جوړ کړي، هغه افراد چې د دې پروسې د بریا هڅه کوي او په امنیتي برخه کې مرسته ورسره کوي، هغوی تر هدف لاندې راولي او په ټول توان سره د امریکایانو دغه دسیسه ناکامه او نامراده کړي. “
ټاکل شوې چې د ولسي جرګې او ولسوالیو شورګانو ټاکنې د تلې په ۲۸ مه ڼیته ترسره شي.
بلخوا د افغانستان امنیتي او دفاعي چارواکي د ټاکنو د امنیت د خوندیتوب لپاره د چمتوالي خبر ورکوي.
د کورنیو چارو وزارت ویاند، نصرت رحیمي تېره خبریالانو ته وویل “د ټاکنو په ورځ به ۵۴۰۰۰ امنیتي او دفاعي ځواکونه د رایې ورکونې د ۵۱۰۰ مرکزونو، چې ۲۱ زره د رایې وکونې محلونه پکې شاملېږي، د امنیت د ټینګښت لپاره په دندو بوخت وي.” همدارنګه نوموړي وویل، چې د امنیتي او دفاعي ځواکونو په تهاجمي بریدونو کې ۳۶ سلنه زیاتوالی راغلی او د امنیتي او دفاعي ځواکونو په مرګ ژوبله کې د پام وړ کموالی رامنځته شوی دی. هغه زیاته کړه:” د دښمن پر وړاندې د تهاجي او تعرضی بریدونو په زیاتېدو سره د هیواد امنیتي وضعیت په ځانګړي ډول د کابل ښار په امنیتي وضعیت کې د پام وړ ښه والی راغلی دی.”