خوښ ديک ۰

روسیې د افغانستان وضعیت ته اندیښنه ښکاره کړه

د روسیې د بهرنیو چارو وزارت د افغانستان وضعیت ته اندیښنه ښکاره کړه.
روسیې د افغانستان وضعیت ته اندیښنه ښکاره کړه
د دغه وزارت ویاندې ماریا زاخرووا پرون له روسیې سره په الحاق شوې سیمې، کریمیا کې رسنیو ته وویل:
« روان کال د اکتوبر په اوومه پوره اوولس کاله وشو چې امریکایي ځواکونه افغانستان ته تللي دي. په دې ټولې مودې کې دوی د ترهګرۍ، د افراطیت او د افغانانو له خاورې د مخدر موادو د قاچاق په مخنیوي کې پاتې راغلي دي. دا موږ ټول ځوروي. په دې هیواد کې دغه ټول ګواښونه په قوت سره په زیاتیدو دي او دا ویلی شو چې ټولې نړۍ ته په یو سردرد بدل شوي»
له تیرو نژدې دریو کلونو راهیسې روسانو په افغانستان کې امنیتي وضعیت ته وخت په وخت اندیښنه څرګنده کړې ده او داسې راپورونه خپاره شوې دي چې له طالبانو سره یې اړیکي ټینګ شوې دي.
 
سرچينه : د صدای افغان خبری آژانس(آوا)
پنجشنبه ۱۹ میزان ۱۳۹۷ ساعت ۱۰:۳۴
د مطلب کود: 172364 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *