خوښ ديک ۰

ترکیه کې سعودی ژورنالیست لادرکه کیدل او ټرامپ غبرګون

د امریکا ولسمشر ډونالډ ټرمپ په ترکیه کې د سعودي ژورنالېست جمال قاشقجي د لادرکه کېدو مشکوکه پېښه بوږنوونکې بللې او ویلي یې دي چې امریکايي څېړونکي، د دې قضیې په اړه په تحقیقاتو کې له ترکیې سره مرسته کوي.
ترکیه کې سعودی ژورنالیست لادرکه کیدل او ټرامپ غبرګون

قاشقجي د اکتوبر په ۲مه نېټه وروسته له دې چې په استانبول کې د سعودي عربستان قونسلګرۍ ته ننوت تردې دمه بیا نه دی لیدل شوی.
ولسمشر ټرمپ پرون په سپینه ماڼۍ کې خبریالانو ته وویل چې د ده اداره د دې قضیې په اړه ډېره جدي ده.
ټرمپ زیاته کړه چې امریکايي څېړونکي له ترکي او سعودي مامورینو سره د تحقیقاتو په برخه کې مرسته کوي:
"موږ دې قضیې ته په ډېر جدیت سره ګورو او په اړه به یې ډېر ژر خپل راپور برابر کړو. موږ له ترکیې او سعودي عربستان سره په ګډه کار کوو. هغه څه چې پېښ شول بوږنوونکي وو."
ریاض د ترکي چارواکو هغه ادعاوې ردوي چې وايي، قاشقچي په قونسلګرۍ کې دننه وژل شوی او وايي چې قاشقچي قونسلګرۍ ته له ننوتلو لنډه شېبه وروسته له هغه ځایه وتلی و.
ترکيې له سعودي چارواکو غوښتي دي چې د قونسلګرۍ د امنیتي کمرو تصویرونه ورسره شریک کړي خو سعودي ډيپلوماتان وايي چې په هغه ورځ د دوی امنیتي کمرو کار نه کاوه او غیرفعالې وې.
د راپورونو له مخې ترکي چارواکو اوس اجازه ترلاسه کړې ده چې د سعودي قونسلګري وپلټي خو دا کار تراوسه نه دی شوی.
جمعه ۲۰ میزان ۱۳۹۷ ساعت ۰۹:۵۲
د مطلب کود: 172407 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *