خوښ ديک ۰

فاریاب کې موټر بم چاودنه ملکی وګړو او وسله والو طالبانو ته مرګژوبله اړولي

د افغانستان په شمال کې د افغان پوځ سرچینې وایي د فاریاب ولایت په مربوطاتو کې موټر بم چاودنه شوې چې له امله یې د ملکي وګړو او وسله والو طالبانو په ګډون ۱۹ کسانو ته مرګ ژوبله اوښتې ده.
فاریاب کې موټر بم چاودنه ملکی وګړو او وسله والو طالبانو ته مرګژوبله اړولي

په شمال کې د ملي پوځ ۲۰۹ شاهین قول اردو په یوه بیان کې ویلي، چې پیښه د خواجه ناموسي بازار په مربوطاتو کې رامنځته شوې ده.
خبرپاڼه زیاتوي، چې د چاودنې له امله ۱۰ وسله وال طالبان وژل شوي او ۴ نور تپیان دي.
د شاهین قول اردو په وینا، یادو وسله والو پر امنیتي ځواکونو او یا هم پر ټاکنیزو کمپاینونو د برید نیت درلود او غوښتل یې په میمنه ښار کې موټر بم چاودنه وکړي.
د ۲۰۹شاهین قول اردو په وینا، د چاودنې په ترڅ کې پنځه ملکي وکړي هم وژل شوي دي.
د وسله والو طالبانو په ګډون د دولت ضد وسله والې ډلې تر اوسه په دې اړه څه نه دي ویلي.
فاریاب د افغانستان په شمال کې په تیرو څو کلونو کې له نسبتا امنو ولایتونو څخه شمیرل کیده، خو په وروستیو کې یې امنیتي وضعیت نسبتا خراب شوی دی.
 
جمعه ۲۰ میزان ۱۳۹۷ ساعت ۱۵:۵۰
د مطلب کود: 172415 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *