خوښ ديک ۰

د شاهین اسمایي لوبډله سپین غر بازانو ته ماتې ورکړه

د افغانستان د فوټبال غوره سیالیو په لړ کې نهمه لوبه پرون د شاهین اسمایي او د سپین غر بازانو لوبډلو ترمنځ ترسره شوه.
د شاهین اسمایي لوبډله سپین غر بازانو ته ماتې ورکړه

د شاهین اسمایي لوبډله په پرونی لوبه کې وتوانېد چې د سپین غر بازانو لوبډلې ته ۳-۱ ماتې ورکړي او په دې ډول د غوره لیګ سیالیو سیمې فاینل یا نیمه پای لوبې ته ورسېد.
د لوبې لومړنی نیمایي پرته له کوم ګول پای ته ورسېده خو د دوهمې نیمایي په ۵۹ مه دقیقه کې د شاهین اسمایي لوبغاړي سید نصیر حسیني لومړی ګول وواهه او خپله لوبډله یې مخته کړه.
خو د لوبې د دوهمې نیمایي په ۷۴مه دقیقه کې د سپین غر بازانو لوبغاړي هدایت الله قرییشي ګول وکړ او لوبه یې ۱-۱ برابره کړه.
د لوبې په وروستیو دقیقو کې انور اکبري د پنالتي بال په وهلو سره د شاهین اسمایي لوبډلې لپاره دوهم ګول وواهه او ورپسې حشمت الله بارکزي د شاهین اسمایي لپاره درېیم ګول ترسره کړ.
د سپین غر بازانو لوبغاړی هدایت الله قریشي د لوبې غوره لوبغاړی وټاکل شو.
 
سرچينه : د صدای افغان خبری آژانس(آوا)
سی شنبه ۲۴ میزان ۱۳۹۷ ساعت ۱۱:۵۲
د مطلب کود: 172601 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *